Поранешниот руски претседател Дмитриј Медведев во средата изјави дека постоењето на Украина е „смртно опасно“ за украинскиот народ.
„Постоењето на Украина е смртно опасно за Украинците. И не мислам само на моменталната ситуација… Зборувам за која било, апсолутно секоја Украина“, напиша Медведев, кој моментално ја извршува функцијата заменик-шеф на рускиот Совет за безбедност, на Телеграм.
Медведев рече дека присуството на независна држава на, како што рече, „историските руски територии“ ќе биде постојана причина за непријателство.
Тој рече дека постои „100 проценти веројатност“ за нов конфликт, без оглед на какви било безбедносни гаранции потпишани меѓу Украина и Западот.
Ниту приклучувањето на Украина во Европската унија, ниту влезот на оваа вештачка земја во НАТО нема да го спречи тоа“, рече Медведев, додавајќи дека таков конфликт би можел да се случи за 10 или 15 години.
Русија ја започна својата „специјална воена операција“ во Украина пред речиси две години за, како што рече, „демилитаризирање“ и „деназификација“ на поранешната советска република. Западот, сепак, го нарекува агресија и го поддржа Киев со хуманитарни, економски и воени средства.
Се вели дека оваа поддршка се намалува поради промената на политичката динамика на Западот и глобалниот фокус на војната меѓу Израел и Хамас.
