Карфиолот е популарен зеленчук кој многу луѓе обожаваат да го јадат, а е познат по многубројните здравствени придобивки.
Диететичарот Никол Ендрјус откри четири здравствени придобивки од карфиолот кои може да се постигнат доколку карфиолот редовно се користи во исхраната.
Карфиолот е богат со растителни влакна
Карфиолот може да помогне да се зголеми внесот на влакна, вели Eating Well, додавајќи дека една чаша карфиол содржи околу два грама влакна.
Најпознатата здравствена придобивка поврзана со влакна е нивното влијание врз формирањето на цревниот микробиом, кој е важен за варењето, апсорпцијата на хранливи материи и функцијата на имунитетот, објаснува диететичарката Никол Ендрјус.
Може да помогне да се намали воспалението
Ако имате воспалителна болест на цревата или синдром на нервозно дебело црево, редовното консумирање на карфиол може да го намали воспалението благодарение на неговите антиоксидантни и антиинфламаторни соединенија, вели диететичарот.
Антивоспалителните својства на карфиолот можат да помогнат во намалувањето на системското воспаление низ телото, а намалувањето на воспалението може да помогне да се намали ризикот од развој на хронични здравствени проблеми.
Позитивно влијае на варењето
Поради содржината на пребиотски влакна, карфиолот помага во исхраната на корисни бактерии во цревата.
„Да се има здрав цревен микробиом е клучот за целокупната благосостојба, а не цревната болест“, објаснува Ендрјус.
Внесувањето доволно влакна промовира здраво варење и помага да се обезбеди редовно празнење на дебелото црево, пренесува Index.hr.
Тоа влијае на здравјето на срцето
Благодарение на високата содржина на влакна и соединенија како сулфорафан и глукозинолат, редовното консумирање карфиол може да го намали нивото на холестерол, да го намали воспалението и да влијае на целокупното здравје на срцето, тврди диететичарот.
