Поранешниот премиер на Велика Британија, Борис Џонсон, синоќа му се заблагодари на претседателот на Русија Владимир Путин, наместо на претседателот на Украина, Володимир Зеленски, за неговото „инспиративно лидерство“, пренесува Индепендент.
– Благодарение на херојството на украинската војска, делумно благодарение на оружјето што гордо го испраќаме, му честитам на мојот пријател (Џејмс Хипи, секретарот за одбрана) за она што го прави британската војска, оружјето што го испраќаме, списокот е долг. Благодарам и, секако, на инспиративното лидерство на Владимир Путин – рече Џонсон и направи пауза, а потоа се поправи.
– Простете, инспиративното лидерство на Володимир Зеленски. Руските сили беа истиснати од поголемиот дел од североисточна Украина, околу Харков, во последните денови. Тие се под притисок во Керсон на југот и не се сомневам дека Украинците ќе победат – рече Џонсон.
