САД не негираат дека руските сили може да се одговорни за уривањето на браната Нова Каховка но се уште немаат утврдено чија е вината за тоа, изјави денеска Џон Кирби, портпарол на Националниот совет за безбедност во Белата куќа.
– Знаеме само дека има многу жртви и исто така многу загинати. Иако ова се рани извештаи и не можеме да специфицираме. Руските сили лани незаконски ја презедоа браната (и електростаницата) и незаконски ја окупираат. Работиме со Украинците да се соберат повеќе информации – рече тој.
Поплавите ќе продолжат во текот на ноќта и ќе го достигнат својот врв утре наутро, соопшти украинската државна енергетска компанија Укрхидроенерго.
Извршниот директор на компанијата Игор Сирота рече дека очекува нивото на водата потоа да остане исто четири или пет дена, пред да почне да се намалува.
