Познатата двојка Џенифер Лопез и Бен Афлек завчера за првпат се појавија во јавноста по низата скандали. Нашироко се шпекулира дека нивниот брак е во криза. Проблематичните моменти од црвениот тепих и снимките од наводните кавги ги подгреваат таквите гласини.
Џеј Ло и Бен Афлек завчера го прославија Денот на мајката. Пејачката носеше прекрасен цветен фустан до рамо, со кој нејзините чевли на платформа брилијантно се совпаѓаа. Музичката ѕвезда изгледаше одлично, со нејзината ќерка Ема и мајка Гвадалупе Родригез.
Судејќи по фотографиите, нема знаци на проблеми во бракот на славната двојка, но забележлива е и одредена дистанца меѓу нив, која можеби настанала сосема случајно.
Дека нешто не е во ред меѓу Џеј Ло и Афлек се шпекулира со денови, славната двојка наводно се скарала на неодамнешната премиера на филмот „Мајка“ во Лос Анџелес, иако читач од усни го тврди спротивното и вели дека само зборувале за каква поза да направат за фотографирање. Беше објавено и контроверзно видео на кое Бен изгледа многу лут, а потоа следеше снимка на која изгледа дека двајцата се расправаат.
Пред неколку месеци на доделувањето на Греми наградите во Лос Анџелес, исто така се скараа, за што Афлек отпосле рече дека тоа било „само шега“.
Џенифер Лопез и Бен Афлек се во брак од минатата година, се забавуваа пред две децении, а потоа раскинаа непосредно пред венчавката.
