Деветти ден од кампањата за претседателските избори, претседателските кандидати преку митинзи, дебати, како и средби со граѓани, ги презентираат нивните програми.
Кандидатот поддржан од СДСМ и Коалицијата и актуелен претседател, Стево Пендаровски ќе биде меѓу скопјани, на средба со жителите на Илинден (16:00), Петровец (17:30), Карпош (18:30), и во Центар на централен митинг (20:00).
Кандидатот за претседател од редовите на ВМРО-ДПМНЕ, Гордана Силјановска-Давкова, денеска ќе ја презентира програмата пред граѓаните во Дебар (16:00) Гостивар (18:30) и во Тетово (20:30).
Кандидатот за претседател од Коалицијата ВРЕДИ Арбен Таравари и претседателот на Движењето Беса, Билал Касами ќе одржат средба со Албанската академија на науките и Уметност. (Центар Саранда 13, кај Пошта/10:00 во Тетово), а потоа во 13:45 ќе во Старата скопска чаршија каде ќе присуствува на настан заедно со носителот на листата на кандидати за пратеници во Првата изборна единица Изет Меџити.
Во 11:00 часот, кандидатот за претседател на Северна Македонија од Европскиот фронт, Бујар Османи, ќе одржи отворена дискусија на тема: Зајакнување на стратешките партнерства со САД и ЕУ и соодветно меѓународно воспоставување преку надворешната политика. По дискусијата ќе следи прес конференција, која ќе започне во 11:30 часот.
Кандидатот за претседател на Движењето ЗНАМ – За наша Македонија, Максим Димитриевски во 15:00 часот ќе биде во Демир Капија, потоа во 17:00 часот во Неготино, Росоман (18:30) и во Кавадарци од 20 часот.
