Деветчлено семејство, во кое имало две мали деца, е убиено додека спиело во источниот дел на Украина, кој е под контрола на Русија. Истрагата за злосторството беше покрената од двете земји.
Сцените од градот Волновак во регионот на Доњецк го прикажуваат масакрот на членовите на семејството, кои биле пронајдени мртви во креветите, напикани во јоргани, додека на ѕидовите од собите се гледаат траги од крв.
Фотографиите објавени на Фејсбук од украинскиот обвинител покажуваат мајка со две мали деца во кревет – сите убиени во сон, нивните сопружници во кревет како се гушкаат еден со друг – исто така убиени во сон.
Украина тврди дека семејството било убиено од припадници на руските окупаторски сили, додека руските власти велат дека за убиството се уапсени двајца руски војници.
Волновака е под контрола на Русија од март 2022 година.
Украинскиот обвинител задолжен за регионот Доњецк изјави дека на почетокот на октомври вооружени мажи побарале од семејството да ја напушти куќата, за да може во неа да биде сместена единица на руската армија. Бидејќи сопственикот одбил, на семејството му се заканувале, а вооружените лица ја напуштиле куќата, изјави обвинителот повикувајќи се на прелиминарните податоци од истрагата.
Денови подоцна, тие се вратиле и ги убиле сите девет членови на семејството, кои во тој момент спиеле, додаде обвинителот. „Истрагата е поведена поради прекршување на правилата и обичаите на војната“, рече обвинителот.
Фејсбук/ Регионалното обвинителство на Донецк
Руските истражни органи објавија дека двајца руски војници се уапсени во понеделникот во врска со убиството. Осомничените се идентификувани како руски војници од Далечниот Исток, кои се на договорна служба.
„Покрената е истрага во врска со убиството на девет жители на Волновака, меѓу кои и две деца, чии тела беа пронајдени со прострелни рани во куќата во која живееле на 28 октомври“, наведуваат руските власти.
Според руската страна, мотивот за злосторството е конфликт за „домашни прашања“.
