Никој во Манчестер Јунајтед не беше свесен за фактот дека Кристијано Роналдо снимил интервју кое на крајот го потресе целиот клуб.
Се поблиску сме до разделба на Кристијано Роналдо и Манчестер Јунајтед, многу поболна и потешка отколку што треба. Сепак, се чини дека тензиите и егото ја одиграа својата улога, што на крајот резултираше со интервјуто што се емитуваше синоќа.
Во него Роналдо најпрво пукаше кон клубот и тренерот Ерик тен Хаг. Изгледа дека начинот на кој го направи тоа води до, како што споменавме, неизбежна разделба.
За интервјуто дознале по победата против Фулам
Сето тоа изгледа уште поизвесно откако се потврди дека никој од клубот, вклучително и неговите соиграчи, не знаел за интервјуто. Ниту дека Роналдо го снимил ниту кога треба да се емитува. За него дознаа додека се подготвуваа за патување од Лондон, каде не многу порано го победија Фулам со резултат 1:2.
Од клубот одбија да го коментираат сето ова со образложение дека не сакаат да дозволат ништо да ја намали вредноста на големата победа која требаше да обезбеди мир пред репрезентативната пауза.
Разочарувањето е оправдано
Во секој случај, сите се оправдано разочарани од ваквиот потег на Роналдо, за кој веќе се знаеше дека има нов клуб од јануари. Секако, доколку успее да најде некој заинтересиран за неговите услуги по цената што ја носат.
Добро паметиме дека се проба во текот на летото, но Португалецот сепак остана член на „црвените ѓаволи“.
