Десет лица починаа, а 631 се заразиле во последните 24 часа, соопшти Министерството за здравство.
Од вкупниот број позитивни (631), регистрирани се 102 реинфекции. Оздравени сe 910 пациенти.
Направени се 2.818 тестови, а регистрираните нови случаи на ковид-19 се во: Скопје – 337, Велес – 45, Битола – 32, Куманово – 30, Кавадарци – 26, Прилеп – 24, Тетово и Охрид – по 18, Струмица – 17, Кичево – 15, Гостивар – 8, Неготино и Дебар по 7, Гевгелија, Ресен и Крива Паланка по 6, Штип и Делчево по 5, Кочани, Струга и Радовиш по 3, Пробиштип и Богданци по 2, Свети Николе, Виница, Кратово, Македонски Брод, Македонска Каменица и Пехчево по 1.
Во текот на изминатите 24 часа, регистрирани се 6 починати лица: 2 починати лица од Скопје (75 и 91) и по едно починато лице од Куманово (81), Кавадарци (70), Струга (81) и Прилеп (67). Од пријавените лица сите се починати во болнички услови.
Согласно Регистарот на умрени лица со дијагноза ковид-19 од Мој термин, дополнително се пријавени 4 починати лица од: Скопје (2), Свети Николе (1), и Радовиш (1). Починатите лица се на возраст од 74 до 92. Лицата за починати се пријавени во период од 15.02. до 21.02.2022. Од починатите лица, 3 се починати во домашни услови, а едно лице во болнички услови.
Од вкупниот број на починати лица, кај 7 лица се регистрирани коморбидитети.
