Времето денеска ќе биде облачно и студено со повремени врнежи претежно од снег, особено претпладне.
Долж Повардарието ќе врне дожд, освен во повисоките делови од котлините каде врнежите ќе бидат од снег. Локално ќе има појава на голомразица, а ќе дува засилен северен ветер со брзина и од над 60 километри на час.
Минималната температура ќе биде во интервал од -1 до 5, а максималната ќе достигне од -1 до 6 степени.
Скопје ќе биде облачно со повремени врнежи од дожд, а во повисоките делови од котлината од снег. Попладне врнежите ќе престанат. Ќе дува умерен до засилен северен ветер.
Минималната температура ќе се спушти до 3, а максималната ќе достигне 4 степени.
