Од УХРМ нѐ информираат дека денеска ќе биде ведро и студено со услови за појава на магла по одделни котлини. Преку денот сончево со мала локална облачност и слаб до умерен северозападен ветер.
Минималните утрински температури ќе се движат од – 4 во Берово до 1 во Гевгелија, а максималните дневни од 9 во Скопје и 16 Целзиусови степени во Гевгелија.
Во Скопје претпладне во делови од котлината ќе има појава на магла, а преку денот ќе биде сончево со мала до умерена облачност. Температурата ќе се движи од – 2 до 10 степени.
В четврток претпладне по одделни котлини ќе има појава на магла, а преку денот ќе биде сончево со мала до умерена облачност. Ќе дува слаб до умерен јужен ветер.
Минималната температура ќе биде во интервал од – 3 до 2, а максималната ќе достигне од 8 до 15 степени.
Од петок кон крајот на денот и за време на викендот под влијание на влажна и студена воздушна маса времето ќе биде претежно облачно со повремени врнежи од дожд, а на планините од снег. Врнежите наместа ќе бидат пообилни и ќе преминат во снег и во повисоките места.
