Денеска нѐ очекува променливо облачно претпладне со повремени врнежи од дожд, започнувајќи од северозападните делови од земјата. Од пладневните часови и особено од крајот на денот врнежите ќе се прошират, а понекаде ќе има појава на дожд и преку ноќта. Ќе дува слаб до умерен ветер од јужен правец кој од крајот на денот ќе се менува во северен, а на североистокот ќе засилува.
Во Скопје претпладне со појава на магла или ниска облачност, а во текот на денот променливо облачно со слаб променлив ветер. Попладне и во вечерните часови во делови од котлината ќе има повремени врнежи од дожд и ќе започне да дува северен ветер.
Минималните утрински температури ќе се движат од 4 степени во Берово и Маврово до 15 во Гевгелија, а максималните дневни од 8 во Маврово и 15 Целзиусови степени во Гевгелија.
Утре ќе имаме променливо облачно, по одделни котлини со појава на магла. Ќе дува слаб до умерен ветер од северен правец.
Минималните утрински температури благо ќе опаѓаат и ќе се движат од 3 степени до 10 степени, а максималните дневни ќе бидат во интервалот од 8 степени до 13 степени.
