Низа протести се најавени за денешниот ден. Доктори, сестри, болничари и здравствени работници од ГОБ „8 Септември“ ќе протестираат за време на паузата. Денеска е последниот ден од рокот кој нивните синдикати го дадоа до ФЗОМ да им ја исплати јануарската плата. Системот на ФЗО цели 14 дена е хакиран поради нејасен сајбер-напад.
За среда исто така е закажан протест ако денеска не легнат парите. Незадовостлвото ќе го изразат и работници од Клиничкиот центар „Мајка Тереза“ во Скопје и работници од други здравствени установи низ земјата.
Министерот за финансии Фатмир Бесими најави дека доколку до понеделник не се реши проблемот, платите за здравствениот кадар ќе се обезбедат од Централниот трезор, а потоа ќе се порамнат со трезорот на Фондот за здравствено осигурување.
Освен лекарите, денеска во еден часот ќе протестираат и група просветни работници. Тие пред Министерството за образование и наука(МОН) ќе протестираат бидејќи се спречени да го завршат процесот на полагање на менаџерски испит за да стигнат до соодветните лиценци за директори на училишта, студентски домови, граѓански центри.
Тие велат дека МОН и институциите се глуви за нивните барања, а правата ќе бараат и по судски пат пред меѓународната заедница.
