Делови од Австрија се покриени со снег, а на надморска височина над 1.400 метри снежната покривка е над еден метар, објави австрискиот весник „Хојте“.
„Што е дожд и поплави во низините, на надморска височина над 1.400 метри, како што е Обертауерн, падна метар снег“, пишува во саботата навечер австрискиот весник.
Како што почна да паѓа ноќта, снег падна и во пониските области, веќе на височини од 500 метри, додека во повисоките планински предели на Алпите затрупа автомобили и ги затрупуваше премините пред приватни куќи.
Снег паѓа и во повисоките делови на Швајцарија.
Со оглед на тоа дека во наредните денови се прогнозира невреме, австриската влада им препорача на граѓаните да не патуваат во одредени области доколку тоа не е неопходно, а можно е на некои места снежната покривка да биде и до два метри.
