Данската кралица Маргарета II вчера за последен пат се одвезе со позлатената клралска кочија од нејзината резиденција до палатата Кристијансборг, како владејачка монархиња пред да абдицира на крајот на месецот. Во четвртокот наутро, данската телевизија прикажа толпи луѓе собрани на снегот и студеното време за да ја поздрават кралицата Маргарета (83), додека таа се возеше во нејзината позлатена кочија на пат кон новогодишниот прием со околу 1.000 гости.
Кралицата Маргарета Втора. (83), кој го презеде данскиот трон во 1972 година, е најдолговечниот европски монарх по смртта на британската кралица Елизабета Втора во септември 2022 година. Таа во својот новогодишен говор на 31 декември објави дека ќе абдицира на 14 јануари по 52 години на тронот, а ќе ја наследи нејзиниот најстар син, престолонаследникот Фредерик.
Возењето со кочија од нејзината резиденција во палатата Амалијаенборг до палатата Кристијансборг, седиштето на данската влада, е традиција. Во неа во 2025 година ќе се вози нејзиниот син Фредерик.
Кралицата Маргарета ќе се повлече од функцијата на 14 јануари. Како причина за отстапувањето од тронот таа ги наведе проблемите со кичмата, иако била успешно оперирана.
– Операцијата природно ме поттикна да размислувам за иднината – дали е дојдено време да ја препуштам должноста на следната генерација. Одлучив дека сега е вистинското време. Ќе се повлечам од функцијата кралица на Данска на 14 јануари 2024 година – 52 години откако го наследив мојот сакан татко – рече данската кралица во својот новогодишен говор.
Во Данска, формалната власт ја имаат парламентот и владата. Од монархот се очекува да биде над партиската политика и да ја застапува нацијата во традиционалните должности како што се државните посети и прославите на националните празници.
