Полуфиналистот на последното Еуро 2020, Данска ја распарчи Србија вечерва во пријателскиот меч победувајќи со 3-0 во една од контролките за настапот на Мундијалот на крајот од годинава во Катар.
Јоаким Меле во 15-та минута им го најави поразот на северните соседи, а во првата половина од вториот дел, Данците додадоа уште два гола и тоа преку Линдстром во 53-та и на Кристијан Ериксен, кој пред неколку дена првпат заигра за данската репрезентација после хоророт на почетокот на ЕП, кога доживеа тежок срцев удар.
Ова е сериозна опомена за Србија и за селекторот Драган Стојковиќ – Пикси пред стартот на јунската нова сезона во Лигата на нации, но и за СП во Катар.
