Откако се дозна дека Хана Хуљиќ и Петар Грашо добија дете, погледите на фановите се свртеа кон профилот на Инстаграм на Даниела Мартиновиќ. Пејачката не чекаше долго да објави нешто па се огласи вчера и ја искористи можноста да ја промовира својата нова песна „Фортуната“.
Таа се пофали дека песната го зазела првото место во топ 16 хрватска музика на една национална радио станица.
„Ви благодарам. Нека ви е животот Фортуната… Вашата Даниела“, порачала таа и го споделила спотот на песната.
„Браво Даниела“, ѝ порачаа фановите во коментарите и ѝ упатија честитки. Инаку, Даниела пред три дена го прослави својот 51 роденден.
Хана Хуљиќ вчера на свет донесе девојче кое таа и пејачот го крстија Алба. Тоа е името кое Даниела го спомна и во 2014 година како име што би сакала да му го даде на своето дете.
Даниела и Петар Грашо лани ја прекинаа 24-годишната врска.
