Далмација под вода: на некои места повеќе од сто литри дожд на метар квадратен
Силно невреме во понеделник наутро погоди делови од Далмација. Пожарникарите се уште работат и ги отстрануваат последиците од невремето.
Хрватското јадранско крајбрежје претпладнето го зафати силно невреме, најлошо во крајбрежниот бисер Каштел, каде многу улици се под вода. Обилни врнежи го зафатија поширокото подрачје на Каштела и Сињ, каде локално се очекува да наврнат над сто литри дожд на метар квадратен, јавува N1 Хрватска.
Активирани се сите расположливи противпожарни бригади и здруженија кои ги отстрануваат последиците од поројниот дожд.
Под вода се и патиштата во областа Трогир, а во некои делови од далматинската заднина падна град. Прекумерниот дожд сериозно ја оптовари канализацијата, па многу патишта се поплавени, објасни метеорологот N1 Теа Блажевиќ.
И во вечерните часови хрватските метеоролози предвидуваат нови активности на невреме. Во продолжение на денот може да има поизразени врнежи кои можат да траат до доцна во ноќта, а можни се и поројни дождови поради поголеми количини на врнежи.
