Дали одредени работни места можат да влијаат на побрзото стареење? Одговорот е да
Негативниот стрес влијае на нашето ментално и физичко здравје, а резултатите во голема мера се гледаат на нашата кожа, но фактори како климатизацијата, вештачката светлина, нездравиот ручек или часовите зјапање во екранот на компјутерот исто така можат да влијаат на вашиот тен.
Бидејќи поголемиот дел од времето го поминуваме на работа, ова е често клучно за здравјето на кожата.
Во студија спроведена од Beauty Pie, повеќе од 3.000 вработени од 15 различни индустрии беа прашани колку од 18-те фактори (вклучувајќи работа пред екран, носење маска за лице, високи нивоа на стрес или високи температурни разлики) влијаат на нивната кожа секој ден.
На секоја од овие работни места ѝ беше доделен таканаречен рејтинг на стресот на кожата до 100. Колку е поголем резултатот, толку повеќе фактори на оштетување на кожата се јавуваат во секојдневната работа и работата беше понапорна за кожата, пишува Нови лист.
Со рејтинг за стрес на кожата од 74,36, научната и фармацевтската индустрија се покажаа како најлоши за кожата. Вработените во оваа индустрија често работат во доцните или ноќните смени или во климатизирани простори. Многу научници се и надвор на високи температури, што може негативно да влијае на кожата на долг рок.
Работењето доцна или навечер може да предизвика недостаток на сон, што може да доведе до темни кругови или отечени очи. А работата на отворено и на топлина ја изложува вашата кожа на прекумерно изложување на сонце. Ако работите во оваа индустрија, треба да се потпрете на низа креми со навлажнувачки состојки како хијалуронска киселина.
По науката и фармацевтската индустрија, градежната индустрија (електричари, градежни инженери, кровери,…) е рангирана на 70,5, потоа енергетиката (инженери, научници, теренски работници итн.) со оценка од 68,8 и хотелската и туристичката индустрија (готвачи , келнери, менаџери на хотели, туристички водичи, сомелиери,…) со рејтинг за стрес на кожата од 65,8.
Секторот за спорт и одмор (учители по јога, спортски тренери и инструктори по пливање) беше најдобар сектор за кожа со оценка од 34,2. Вработените во оваа група на занимања ретко се чувствуваат под стрес, јадат здрава исхрана и генерално се придржуваат до стандардното работно време.
Следи секторот образование (наставници, ментори, предавачи) со оценка 38,9. На трето место меѓу најдобрите занимања за кожа се правните работни места како адвокати, судии или бранители. Оваа група на занимања има оценка 41,9.
