На TikTok, во изминатите неколку месеци, креаторите ги споделуваат своите совети за ублажување на болки во грлото, а еден од најпопуларните трендови е класичното тврдење дека гаргарањето со солена вода може да помогне. Дали навистина помага?
Нема многу истражувања кои докажуваат дека гаргарањето со солена вода е ефикасно за болести на грлото. Сепак, новото истражување сугерира дека гаргарањето со солена вода навистина има некои придобивки, пренесува EatingWell.
Студија од 2023 година покажува дека гаргарањето со солена вода би можело да биде ефикасно во спречувањето на хоспитализацијата поради Ковид. На учесниците во студијата им беа дадени гаргара со ниска или висока содржина на сол откако тестираа позитивно за Ковид.
„Нашата цел беше да го испитаме физичкото наводнување на носот и гаргара за можна поврзаност со подобрување на респираторните симптоми поврзани со инфекција со коронавирус“, вели коавторот на студијата Џими Еспиноза.
„Откривме дека тие се поврзани со пониски стапки на хоспитализација за инфекции со САРС-КоВ-2. Се надеваме дека може да се направат повеќе истражувања за понатамошно испитување на врската“, додаде тој.
Според една студија, гаргара со солена вода додека сте болни може да ја олесни сериозноста на вашите симптоми. Но, како што истакнува Еспиноза, потребни се повеќе истражувања за целосно да се разберат потенцијалните позитивни ефекти на солената вода врз нашиот имунолошки систем.
