Сагата околу Енцо Фернандез и неговото евентуално заминување од Бенфика продолжува.
Најдобриот млад играч на неодамна завршеното Светско првенство во Катар и носител на титулата планетарен шампион со Аргентина сака по секоја цена да го напушти Лисабон во зимскиот преоден рок. Така и порача на раководството на клубот.
Челзи одамна е првиот кандидат да го купи. Според последните информации Бенфика бара отштета од 120 мил.
Тимот од Лондон е подготвен да го плати, но на рати, додека португалскиот клуб бара се да се плати наеднаш. Се очекува да се постигне договор меѓу клубовите.
Фернандез минатото лето пристигна во Бенфика од Ривер Плата и на 17 натпревари за повеќекратниот португалски шампион постигна еден гол и даде пет асистенции.
