Како што јавуваат украинските медиуми, рано наутро во саботата, Киев, главниот град на Украина, бил под жесток напад со беспилотни летала.
Градоначалникот на Киев Виталиј Кличко објави на Телеграма дека Киев е под масовен напад и дека сите служби за итни случаи се на терен. Тој потврди дека во нападот има жртви.
Во населбата Соломјански пожар избувна на повеќе места, меѓу кои и станбени згради. Во оваа област се потврдени две жртви.
„Нападот на главниот град е вознемирувачки“, рече Кличко.
Киев Индипендент објави дека нападот со дрон трае веќе четири часа.
Нападот со дрон во Киев сè уште трае. Речиси четири часа подоцна, беспилотните летала продолжуваат да го гаѓаат главниот град.
„Украинска правда“ пренесува дека пожар избувнал и во градинката како последица на жесток напад на руски дрон.
За овој масовен напад на Киев објавија и руски медиуми, наведувајќи дека експлозии одекнале низ главниот град. РИА Новости додава дека Русија од октомври минатата година изведува воздушни напади врз енергетски и воени цели. Русија сè уште негира дека нападнала цивилна инфраструктура.
