Денеска е 36-ти ден од руската инвазија на Украина. Украина се сомнева во најавите дека Русија ќе ја намали воената активност околу Киев и Чернихив, наведувајќи дека повлекувањето е само стратешки маневар со кој Русите се обидуваат да се прегрупираат и потоа да започнат нови напади. Украинскиот претседател Володимир Зеленски изјави дека очекуваат нови напади на истокот на земјата. Нова рунда разговори треба да започне на 1 април.Во рано утринското видео обраќање Зеленски се осврна на движењата на руските војници од Киев и Чернихив, велејќи дека тоа не е повлекување, туку „последица на работата на нашите бранители“. Тој истакна и дека е забележано акумулација на руски сили со цел нови удари врз областа Донбас и дека Украина се подготвува за тоа.
08:36
Проблеми за Путин: „Опкружен со мажи кои само велат „да“
Висок европски дипломат рече дека проценката на САД е во согласност со европското размислување. „Путин мислеше дека работите одат подобро отколку што навистина се. Проблем е кога се опкружувате со мажи кои само велат „да“ или едноставно седат со нив на крајот на многу долга маса“, изјави висок дипломат на ЕУ за Ројтерс.
На руските војници им било кажано да учествуваат во воена вежба пред инвазијата на Украина, но морале да потпишат документ за проширување на нивните должности, изјавија двајца европски дипломати.
08:19 часот
Зеленски отпатува за Германија
Градоначалникот на Киев, Виталиј Кличко изјави дека претседателот на Украина, Володимир Зеленски со својата делегација ја напушти Украина на средба во Германија.
„Планирана е средба со високи политичари во Германија поради поддршката за Украина, економската, хуманитарната и воената помош за нашата земја“, изјави Кличко на својот канал во Телеграма.
08:12
Зошто Украина се подготвува за напади на исток?
Украинскиот претседател Володимир Зеленски се сомнева во најавите на Русија за деескалација во земјата, додавајќи дека ветувањето се заканува со „нови удари“ во источниот отцепен регион Донбас.
Русија претходно најави дека ги исполнила своите главни цели во првата фаза од инвазијата и дека сега ќе се фокусира на главната цел, а тоа е ослободување на Донбас.
08:08 часот
Гранатирањето на Чернихив продолжи
Британското Министерство за одбрана објави дека продолжува гранатирањето на Чернигив, и покрај најавите на Москва дека ќе ги намали воените активности во близина на Киев и Чернихив. Според Британците, Чернихив се уште е под ракетни напади.
Тие предупредуваат дека во наредните денови најверојатно ќе има „тешки борби“ во предградијата на украинската престолнина Киев бидејќи руските војници ги задржуваат позициите источно и западно од градот – иако некои од нивните единици се повлекле.
