Синдикатите во Данска реагираа на планот на коалициската влада да укине еден од 11-те државни празници за да се обезбедат пари за војската.
Лизет Рисгард, претседател на Данската Конфедерација на синдикати, рече дека планот за укинување на националниот празник е јасен напад „на данскиот пример“.
Приближно 500.000 луѓе потпишаа кампања што ја започна конфедерацијата, која има 1,3 милиони членови, за да се спречи спроведувањето на планот.
Против планот се и здруженијата што го претставуваат воениот персонал и црквите.
Во говорот во парламентот, премиерот Мете Фредериксен рече дека трошоците за одбрана и безбедност, здравствени услуги, психијатрија и зелена транзиција се доста високи.
Важно е да се напомене дека прашањето за одбраната дојде до израз во земјата, особено со почетокот на украинско-руската војна.
Коалициската влада составена од Социјалдемократската партија, Либералната партија и Умерената партија одлучи на 15 декември 2022 година да укине еден од 11-те државни празници.
Се очекува „Големиот молитвен ден“, кој во 1686 година е прогласен за државен празник, да биде укинат како државен празник.
