Бугарскиот тениски судија Павел Атанасов доби доживотна суспензија од белиот спорт поради 21 прекршување на тениската антикорупциска програма, соопшти Меѓународната агенција за интегритет во тенисот (ИТИА).
Атанасов првично ги отфрли обвинувањата пред да ја повлече жалбата, а потоа призна дека е виновен за прекршувањата. Покрај доживотната суспензија, Атанасов доби и парична казна од 10.000 долари.
Бугарскиот судија се изјаснил за виновен за бројни прекршувања на тениската антикорупциска програма во периодот помеѓу 2019 и 2023 година, вклучително и манипулација со податоци за резултатите од натпреварите со цел обложување, олеснување на обложување, корупција, обложување на тениски натпревари и непријавување корупција.
