Бугарскиот Парламент не го избра Николај Габровски за премиер, предложен од ГЕРБ-СДС, објавија бугарски медиуми. „За” негова номинација беа 113 пратеници, а „против” гласа 125, без „воздржани”. Структурата и составот на Советот на министри нема да се гласа, бидејќи кандидатурата не беше поддржана.
Кандидатот за премиер на Бугарија, реномираниот лекар Габровски, во говорот пред народните избраници направи обид да ја отвори како што тој нарече – „вратата и патот за помирување и разум”. Според него, ако се пропушти шансата за гласање за неговиот кабинет, Бугарија „ќе остане во рацете на задкулисните зделки… на предизборната реторика од 2023 година – избори по избори”. Како што рече тој „Бугарија е пред бездна“.
