Тешка сообраќајна несреќа се случи вчера околу 17 часот кај селото Ново Коњарево, Струмичко, каде автомобил „фолксваген голф” со бугарски регистарски таблички, управуван од државјанин на Бугарија, прегазил 72 годишен жител на селото, кој починал на самото место.
Несреќата се случила на магистралниот пат Струмица-Граничен премин Ново Село на македонско-бугарската граница, на делницата што поминува низ селото Ново Коњарево, на неколку стотина метри до преминот.
Смртта ја констатирал лекар на самото место, а увид извршиле јавен обвинител и екипа на СВР Струмица.
