Последниот случај на злоупотреба на животни доаѓа од Хрватска. Како да не беше доволно што го малтретираа кутрото животно, напаѓачите пренесуваа се во живо на Фејсбук, а во коментарите имаше и такви кои со насмевка придружуваа се и на тој начин ги поддржаа напаѓачите.
Маж брутално претепа коњ со голема бандера и во живо го пренесуваше суровиот чин на Фејсбук, а видеото кое ја згрози јавноста го објави КАпортал.
Злоупотребата наводно се случила во штала во населбата Орловац кај Карловац. На видеото се гледа како двајца луѓе тепаат коњ. Суровото злоставување животно во видеото трае 72 секунди, а на него се гледа како некој дивјачки го тепа врзаното животно со дрвен стап.
Видеото е крајно вознемирувачко, а на него се слуша друг маж кој постојано вели „добро е, немој повеќе“. Откако коњот клоца, камерманот вели „сега удри го“. После тоа, мажот продолжува да го удира коњот, а во бруталноста му се придружува уште едно лице кое го удира коњот по глава.
Вознемирувачки е и тоа што на видеото кое напаѓачите го пренесоа во живо на социјалната мрежа, се гледаат многу коментари од луѓе кои ги поддржуваат напаѓачите.
