Водени топови, но полни со хемикалии употреби талибанската полиција во градот Херат во западен Авганистан за да растера десетици илјади девојки и жени кои протестираат затоа што неодамна државата забрани образование за нив, јави Би-Би-Си. Тие се собрале пред канцеларијата на гувернерот, изјави за германската агенција DPA една од учесничките на протестот.
Министерот за високо образование на талибанците рече дека забраната за универзитетско образование на жените е воведена поради фактот што студентките не се придржуваат до строгите правила за облекување, присуствувале на предавања без машки роднини и се мешале со студенти.
Одлуката на Талибанците да им забрани на девојчињата и жените да посетуваат училишта и универзитети наиде на силна меѓународна критика.
