Бројот на работниците во индустријата за период од една година ( јуни 2023 – јуни 2024 ) се зголемил за 1,2%, покажуваат податоците што денеска ги објави државниот завод за статистика.
Бројот на работниците во секторот рударство и вадење на камен во овој период се зголемил за 5,1%. Просекот на зголемен број вработувања во овој сектор го подигаат рудниците за вадење јаглен и лигнит каде што бројот на вработени е зголемен за 12,7.%. Во преработувачка индустрија бројот на работниците за една година се зголемил за 0,9 %, додека во во секторот снабдување со електрична енергија, гас, пареа и климатизација за 1,0 %.
Во преработувачката индустрија највисок раст на бројот на вработени од 31,8% секторот за поправка и инсталирање на машини и опрема, потоа во секторот производство на машини и уреди, неспомeнати на друго место од 27,3% и во компаниите кои произведуваат моторни возила, приколки и полуприколки од 16%.
Во секторот преработка на дрво и производи од дрво и плута, освен мебел, производство на предмети од слама и плетарски материјал има најголемо намалување на бројот н вработени за 14,8%
Според главните индустриски групи, бројот на работниците во индустријата во јуни 2024 година, во однос на јуни 2023 година, бележи пораст кај енергија за 4,7 %, капитални производи за 15,6 % и трајни производи за широка потрошувачка за 16,3 %, додека опаѓање бележи кај интермедијарни производи, освен енергија за 7,8 % и нетрајни производи за широка потрошувачка за 5,4 %.
Бројот на работниците во индустријата во периодот јануари – јуни 2024 година, во однос на периодот јануари – јуни 2023 година е зголемен за 1,7%.
