Велика Британија ќе издаде стотици нови лиценци за истражување и експлоатација на нафта и гас во Северното Море за да стане енергетски понезависна, соопшти владата во понеделникот.
Нова инфраструктура за зафаќање и складирање на јаглерод ќе биде инсталирана во североисточниот дел на Шкотска и во регионот Хунбер, се додава во соопштението.
„Сега, повеќе од кога било, од клучно значење е да ја зајакнеме нашата енергетска безбедност и да капитализираме од таа независност за да испорачаме поприфатлива, почиста енергија во британските домови и бизниси“, рече британскиот премиер Риши Сунак во изјавата.
Сунак треба да посети важна инфраструктурна локација во Абердиншир, Шкотска подоцна во текот на денот.
Регулаторниот орган за нафтената и гасната индустрија наесен треба да издаде нови лиценци за истражување на овие ресурси.
ОК објави на крајот на февруари 2022 година дека гледа „добра и стабилна“ иднина за нафтената и гасната индустрија во Северното Море и дека ќе издаде нови лиценци за зголемување на производството.
