Хрватската пејачка Доменика Жувела (29) на својот инстаграм-профил објави серија фотографии од плажа и покажа со кого ужива во сончевиот ден покрај море, пишува „24сата“.
„Љубов“, напишала пејачката покрај фотографијата на која позира со кумата Хана Хуљиќ и пријателка. Сите три биле облечени во шарени бикини и во рацете држеле овошје.
Доменика подоцна објавила и фотографии од ручекот кој го понеле со себе на плажа, а кој го сервирале на црвено-бела покривка за маса.
Инаку, Доменика Жувела и Хана Хуљиќ станаа куми во февруари годинава кога музичарката од познатото семејство се омажи за Петар Грашо. Парот наскоро ќе добие дете, а како што открија претходно, станува збор за девојче на кое ќе му го дадат името Алба.
Жувела често објавува фотографии со сопругата на Грашо, со оглед на тоа дека тие две се долги години најдобри пријателки.
ФОТО: Инстаграм
