Една од најголемите ѕвезди на филмската индустрија, Бред Пит, тврди дека „најголемите актери“ не се секогаш „она што би ги нарекле убави секс симболи“. И покрај тоа што глуми покрај легендарните актери како Леонардо ди Каприо, Анџелина Џоли и Џули Робертс, Пит верува дека изгледот е само „прв впечаток“ и не е важен кога се оценува талентот.
Во интервјуто за Тајгер Бит во 1996 година, Пит откри дека има „многу малку мажи“ кои ги почитува како негови омилени актери во индустријата.
„Ги ценам постарите филмови бидејќи прикажуваат човек кој се бори за своите принципи. Како Роберт Редфорд. Тој е тип на маж кон кој се стремеле другите мажи, а жените сакале сите мажи да бидат такви“, рекол тој, пренесува Unilad.
И покрај тоа што изгледа дека изгледот игра голема улога во круговите на славните, Пит смета дека најголемите ѕвезди не се секогаш како што некој би ги нарекол „секс симболи“.
„Дали кога гледате некоја личност се фокусирате само на нејзиниот изглед? Тоа е само првиот впечаток. Кога некому веднаш не ви падне око, но подоцна разговарате со неа, таа станува најубавата личност на светот“, објаснил тој, пренесува index.hr.
Актерот нагласува дека убавината не е секогаш поврзана со класичните стандарди, истакнувајќи ја неговата омилена актерка: „Ќе ви кажам која е мојата омилена актерка: Дајан Вист. И не би ја нарекле секс симбол. Сепак, Дајан Вист е за мене најубавата жена на екранот“.
Така, тој заклучува дека вистинската убавина доаѓа од талентот и личноста, а не само од изгледот.
