Селекторот на албанската фудбалска репрезентација, Бразилецот Силвињо, доби албанско државјанство во знак на благодарност за пласманот на оваа земја на Европското првенство во 2024 година.
Албанија се квалификуваше за ЕП на врвот на групата во која беа Чешка и Полска, што е само втор пат земјата да се квалификува за европско натпреварување.
Албанскиот премиер Еди Рама на церемонијата во Тирана во понеделникот официјално му додели државјанство на Силвин.
Поранешниот бразилски фудбалер доби шпански пасош во 2004 година, откако потпиша договор со Барселона, каде играше како лев бек до 2009 година.
Албанија се надева дека ќе го задржи Силвињо како селектор во обидот за првпат да се квалификува за Светското првенство во 2026 година.
Актуелниот договор на Силвињо завршува по Европското првенство следното лето во Германија.
Албанија му додели државјанство и на италијанскиот селектор Говани де Бјази, откако тој ја предводеше Албанија на Европското првенство во 2016 година.
Бразилецот и неговиот тим се во групата Б на Евро 2024 заедно со Италија, Хрватска и Шпанија.
