На принцот Вилијам во 2020 година му била платена „многу голема сума“ пари од сопствениците на британскиот медиум „Сан“ за да не ги тужи дека му го прислушкувале телефонот пишува Би-Би-Си повикувајќи се на судските документи. Вилијам е на суд заедно со брат му Хари обвинувајќи три медиуми од групацијата НГН во Велика Британија дека незаконски собирале информации.
Обвинението го покрена Хари. Веста за наводниот „договор“ беше откриена во вторникот кога започна тридневното сослушување во Лондон во кое беа вклучени братот на Вилијам, војводата од Сасекс, и актерот Хју Грант. Случајот е еден од три парници, меѓу кои во кои другите два се обвинети Дејли Мирор и групацијата Дејли Мејл.
Според Скај Њуз, за ова „мито“ се дознало во моментот кога медиумите од НГН, кратенка за Њуз Груп Њузпејперс побарале да се повлече обвинението од Хари затоа што било „предоцна“ за тоа. На ова, адвокатот на Хари одговорил дека тоа би било обид „да се оди зад таен договор меѓу кралското семејство како институција и НГН, за кој војводата бил информиран во 2012 година“.
Договорот, наводно, постоел од претходно, но „во 2017 година барателот и институцијата почнаа да се залагаат за решавање на неподмиреното побарување. Сепак, НГН се разбрануваше во врска со ова сè додека, во 2019 година, на барателот(принцот Вилијам) му беше доста и го издаде своето барање“, се додава во обвинението.
За каков договор се работи?
Обвинителот кој го застапува Хари вели дека била вклучена и самата кралица. Според договорот, „членовите на кралското семејство не смееле да ги разрешат барањата против НГН сè додека не завршел судскиот спор против хакирањето“.
Според обвинителот договорот „значел дека тужителот не можел да поднесе тужба против НГН за хакирање телефон во тоа време“.
Во писмените објаснувања на обвинението се додава и дека:
„Директно беше договорено меѓу овие страни, пред нивните адвокати… дека на крајот на Судскиот процес за следење на говорна пошта на мобилни телефони (МТВИЛ) Њуз ќе го признаат или решат таквото тврдење со извинување“.
