Босанско-херцеговскиот актер Јасмин Гељо, кој е познат од „Аудиција“ во која ги глумеше Мима Шиш и Роки Мокрогуз, доживеал мозочен удар. Актерот кој живее и работи во Канада, се јави на Фејсбук со хумористична објава.
„Отсекогаш мислев дека луѓето кои имаат мозок може да ги удри само мозочен. Изгледа згрешив“, напиша во свој стил Гељо со фотографија од болница. Стотици луѓе му напишаа во коментарите и му посакаа брзо закрепнување. Се чини дека Гељо добро се опоравува.
„Брз и квалитетен престој“, „Имаш ти уште дух да нè засмејуваш“, „Само ти брзо опорави се и што побрзо вратете се на сцената“, се само дел од коментарите.
Гељо се преселил во Канада во 1993 година и живее таму и денес.
