Сè повеќе има индиции за предвремено ослободување на поранешната германска тениска ѕвезда Борис Бекер од британскиот притвор. Британски Мирор и Телеграф денеска објавија дека се очекува трикратниот шампион на Вимблдон следната недела да биде депортиран во Германија.
Во средината на ноември таблоидот Сан, повикувајќи се на правен извор, напиша дека 55-годишниот најверојатно ќе биде ослободен пред Божиќ и дека потоа ќе мора веднаш да се врати во татковината. Германскиот адвокат на Бекер првично беше недостапен за коментар, објави германската новинска агенција ДПА.
По потекло од Лајмен во Баден-Виртемберг, Бекер со години живее во Лондон, но нема британско државјанство.
Поранешниот истакнат спортист на крајот на април беше осуден на две и пол години затвор, бидејќи криел милионски имот од стечајните управници. Тој веќе неколку месеци се наоѓа во затворот Хантеркомб, западно од Лондон, пренесува СТА.
Albanian
English
Macedonian
Turkish
