Поранешниот американски претседател и републикански претседателски кандидат Доналд Трамп овој петок ќе даде интервју со популарниот поткастер Џо Роган, кој има десетици милиони следбеници.
Двајца претставници од кампањата на Трамп изјавија дека тој ќе отпатува во Остин, Тексас, на интервју во студиото на Роган, објави Ројтерс.
Трамп го критикуваше Роган во август на сопствената социјална мрежа „Truth Social“, откако подкастерот го пофали тогашниот независен претседателски кандидат Роберт Ф. Кенеди Џуниор, кој подоцна се повлече од кампањата и го поддржа Трамп.
Трамп подоцна го нарече Роган „добар човек“.
Во меѓувреме, за интервју со Роган размислува и ривалката на Трамп, Камала Харис, со надеж дека тоа ќе ѝ даде поени кај машките избирачи.
Спотифај во март објави дека Џо Роган има 14,5 милиони следбеници и дека неговиот подкаст е втората најпопуларна програма на платформата. Роган има и повеќе од 19 милиони следбеници на Instagram и 17 милиони следбеници на YouTube.
Анкетите лани покажа адека 81 отсто од неговите следбеници се мажи, а 56 отсто од нив се на возраст под 35 години.
