Виктор Медведчук, поранешен украински политичар и близок соработник на рускиот претседател Владимир Путин, изјави дека Украина има само еден избор во сегашната војна, а тоа е да застане на страната на Русија.
„Има ли излез од тешката состојба што се создаде во државата? Излезот е многу едноставен: Украина мора да престане да биде овен за Русија, а Украинците мора да престанат да бидат топовско месо за Западот“, напиша Медведчук во својата авторска колумна на медиумската платформа Smotrim.ru, пренесе ТАСС.
Тој продолжува да наведува дека изборот на Русија за Украинците е избор што, гледајќи низ историјата, ги спасил. Кога зборуваат за историски руски земји, ги нарекуваат така, бидејќи во тешки времиња секогаш се враќале во Русија. Денес, во тешки времиња за Украинците, тие ќе мора да се сеќаваат на историското искуство, бидејќи едноставно нема друга алтернатива“.
Медведчук понатаму наведува дека Западот ја држи Украина како заложник на сегашната ситуација. „Украина треба да стане полигон за тестирање на западното оружје, а нејзините граѓани – војници, спасувајќи ги драгоцените животи на американските и европските војници.
„Украинците се систематски претворени во нацисти, мразители на Русија и топовско месо за интересите на Западот“, тврди Медвечук, обвинувајќи го Западот дека вложува милијарди долари во Украина со цел да ги спротивстави своите граѓани со оние на Русија.
„Владата на Зеленски ќе биде поразена, а не народот“, рече Медведчук, додавајќи дека повеќе од седум милиони Украинци веќе ја избрале Русија и бројот продолжува да расте.
