Американскиот државен секретар Антони Блинкен изјави дека се надеваат дека „хуманитарната пауза“ постигната со Хамас ќе биде продолжена и дека ќе продолжат деталните разговори со израелската влада за патот што треба да го следат во Појасот Газа, пренесува Анадолија.
Блинкен, кој дојде во Израел како дел од турнејата на Блискиот исток, беше примен од израелскиот претседател Исак Херцог.
Во изјавата пред состанокот, Херцог рече дека продолжуваат напорите за ослободување на затворениците што ги држи Хамас и им се заблагодари на САД за поддршката во процесот.
Блинкен рече дека затворениците биле повторно обединети со нивните семејства благодарение на договорот за размена на затвореници меѓу Израел и Хамас.
Тој посочи дека постигнатиот договор овозможил испорака на хуманитарна помош за Појасот Газа заедно со ослободување на затворениците.
„Овој процес дава резултати. Ова е важно и се надеваме дека ќе продолжи. Во исто време, со нетрпение очекувам детални разговори со израелската влада за патот напред во Газа“, додаде Блинкен.
