Ријалити ѕвездата Ким Кардашијан е забележана на џет скијање со основачот на Амазон, Џеф Безос и со неговата свршеница Лорен Санчез, во близина на брегот на Грција, во средата, на 26 јуни.
Двете богати жени, Кардашијан и Санчез, за малку ќе влезеа во „тендерска војна“, откако бендисдаа ист фустан на Баленсијага, на модната недела во Њујорк во 2023 година. Нивното пријателство преживеа, откако објавија дека одлучиле да го споделат истото дизајнерско парче. Потоа во октомври лани Санчез присуствуваше на роденденот на Кардашијан.
И еве ги сега, двете моќни жени и нивниот уште помоќен пријател Безос, како уживаат во одморот во Грција. Безос (60) носи елек за спасување и гаќички за капење, додека неговата вереница Санчез (54) има минијатурно златно бикини. Ким Кардашијан, пак, го дели седиштето со пријател и си прави селфи.
Безос и Санчез првпат беа забележани на Миконос пред две недели. Тие престојувале на супер големиот брод на Безос, опремен со нивните „играчки“,хеликоптери и брзи чамци.
