Белорускиот министер за надворешни работи Владимир Макеи почина на 64-годишна возраст, објави во саботата државната новинска агенција Белта.
„Министерот за надворешни работи Владимир Макеи ненадејно почина“, пренесува Белта.Макеи на оваа функција беше од 2012 година.
На почетокот на оваа недела тој учествуваше на конференцијата на Организацијата на Договорот за колективна безбедност (ОДКБ) – воен сојуз на неколку постсоветски држави во Ереван, а во понеделник требаше да се сретне со неговиот руски колега Сергеј Лавров.
Пред претседателските избори и масовните антивладини протести во Белорусија во 2020 година, Макеи беше еден од иницијаторите на напорите за подобрување на односите на Белорусија со западните земји и ја критикуваше Русија.
Но, по почетокот на протестите, тој нагло го смени ставот, тврдејќи дека демонстрациите биле инспирирани од западни агенти.
„Шокирани сме од веста за смртта на шефот на Министерството за надворешни работи на Република Белорусија, Владимир Макеи“, објави портпаролката на руското Министерство за надворешни работи Марија Захарова на својот канал Телеграм.
„Русија наскоро ќе објави вест за официјално сочувство.
