Бебето Аја родено под урнатините во Сирија по силниот земјотрес од 7.8 степени е однесено на безбедно место поради страв дека може да се случи киднапирање. Нејзината мајка почина, исто како и други членови од семејството.
Девојчето сега е сираче, а приказната трогна многу луѓе и се јавија брачни двојки кои сакаат да го посвојат девојчето. Дури и двојка од Сараево сакаше да го посвои детето.
Во понеделникот имаше вооружен инцидент во болницата во регионот под контрола на опозицијата каде што таа беше на лекување.
– Здравствениот дом во Африн презеде мерки на претпазливост за да го заштити девојчето Аја од можно киднапирање и измама за посвојување – изјави извор за Би-Би-Си.
Шефот на здравствената управа, Ахмад Хаџ Хасан, ги негираше тврдењата на социјалните мрежи дека станува збор за осуетен обид за киднапирање на Аја.
Калил ал-Сувади, далечен роднина кој бил таму кога ја извлекле на безбедно, го донел бебето во болница во Африн. Девојчето е родено во градот Џиндарис.
