Под диригентската палка на Бисера Чадловска, во кореографија на Виктор Јаременко од Украина на 25 март во Национална опера и балет ќе се одржи балетската претстава „Лебедово езеро“ од Владимир Илич Чајковски.
Во улогата на Одета/Одилија ќе настапи гостинката од Бугарија, примабалерината Марта Петкова, во улогота на принцот Зигфрид ќе настапи Васил Чичиашвили (Грузија), а Ротбарт е Балаж Лашеи (Унгарија), Па де труа: Христина Наќевска, Ангела Велевска, Ендру Кук (Англија). Настапуваат солисти, балетскиот ансамбл и оркестарот на Националната опера и балет.
„Ода за моќта на љубовта! Балетска класика која ја раскажува вечната борба помеѓу доброто и злото. Легендата за мистериозната лебед-жена е еден од најромантичните класични балети и се карактеризира со многу елеганција, стил и хармонија. Со познатата, лирска мелодија на П. И. Чајковски, „Лебедово езеро“ ја отсликува трагичната љубов помеѓу принцезата Одета и принцот Зигфрид. Ова универзално и волшебно ремек-дело на љубов, измама и драма не смее да се пропушти“, порачаа од НОБ.
