Американскиот претседател Џо Бајден го употреби зборот „диктатор“ да го опише владеењето на колегата Си Џинпинг катко откако имаше четиричасовни разговори со него и откако се договорија дека ќе ја продолжат воената комуникација, пишува Ројтерс. Во видео од изјавата на Бајден може да се види реакцијата на државниот секретар Антони Блинкен.
– Па видете сега, тој е диктатор. Диктатор во смисла дека е човек кој управува со земја која е комунистичка земја и којашто се заснова на форма на владеење целосно различна од нашата – рече Бајден.
Како одговор, кинеското Министерство за надворешни работи рече дека „остро се противи“ на забелешките, без да го спомене Бајден по име.
– Оваа изјава е крајно погрешна и неодговорна политичка манипулација – изјави портпаролот на Министерството за надворешни работи Мао Нинг за новинарите во четвртокот на рутински брифинг.
Тој додаде:
– Треба да се истакне дека секогаш ќе има некои луѓе со задни намери кои ќе се обидат да ги поттикнат и оштетат односите меѓу САД и Кина, тие се осудени на неуспех.
Мао одби да го прецизира идентитетот на „некои луѓе“ како одговор на следното прашање.
Не му е првпат на Бајден да го нарече Џинпинг диктатор. Во јуни тој упати слична забелешка, а Кина одговори дека коментарот е апсурден и дека претставува провокација.
Albanian
English
Macedonian
Turkish
