„Сега е јасно дека Доналд Трамп ќе биде републиканскиот кандидат. А мојата порака до земјата е дека влогот не може да биде поголем. Нашата демократија. Личните слободи – од правото на избор до правото на глас. Нашата економија – која го доживеа најсилното закрепнување од ковид-19 во светот. Сето тоа е на коцка“.
Вака американскиот претседател Џо Бајден во соопштение ја коментираше победата на неговиот ривал Доналд Трамп на изборите во Републиканската партија во државата Њу Хемппшир.
Претходно, републиканските кандидати Рон Де Сантис и Вивек Рамасвами се откажаа од трката за претседател и го поддржаа Трамп.
Хејли вети дека ќе остане во трката за републиканците, велејќи дека сега ќе се фокусира на прелиминарните избори на 24 февруари во нејзината родна држава Јужна Каролина. Дали е само прашање на време кога и Хејли ќе се повлече расчистувајќи му го патот на Трамп?
