Aртилерискиот ракетен систем со висока мобилност (HIMARS), кој САД ќе ѝ го достават на Украина, се смета за оружје што може да го смени текот на војната во Донбас. Но, типот што ќе биде испратен лансира проектили на среден дострел од 70 километри, за разлика од верзијата со долг дострел од 300 километри. Системот се поставува на камион и може да носи контејнер со шест проектили.
На јутјуб има неколку видеа од системот. Бил развиен во доцните 1990-ти за армијата на САД. Тој се смета за лесен ракетен фрлач.
