Австриско-американскиот актер Арнолд Шварценегер (76) откри дека неодамна му бил вграден пејсмејкер по три претходни операции на отворено срце.
„Сега имам дел од машината во себе, повеќе личам на мојот лик Терминатор – се пошегуваl актерот. Сето ова го раскажал во епизодата од неговиот поткаст „Arnold’s Pump Club“.
– Бев операција, добив пејсмејкер. Ова што сега ви го кажувам е спротивно на голем дел од моето воспитување во Австрија, каде што никој никогаш не зборува за здравствени проблеми. Сè што е поврзано со здравјето го задржуваат за себе. Но, добив толку многу пораки од луѓе кои се родени со бикуспидален аортен залисток, како мене. Ми рекоа дека мојата приказна им дала храброст и надеж да се соочат со своите здравствени проблеми – рекол актерот и нагласил дека во моментов се чувствува одлично.
– Најпрво сакам да знаете дека сум одлично. Ме оперираа во понеделникот, а во петокот веќе бев на еколошки настан со мојата пријателка Џејн Фонда. Никој не би помислил дека неделата ја започнав со операција – изјави тој.
Тој објасни дека лекарите го советувале да оди на операција бидејќи срцето му чука неправилно поради лузна од претходна операција. Актерот првпат имаше операција за замена на вентилот во 1997 година, за која беше потребна операција на отворено срце. Тој отиде на друга замена на вентилот во 2018 година, а имаше и операција на отворено срце. Третата операција ја имаше во 2020 година.
На крајот од епизодата на поткастот, тој ги охрабри своите фанови да се грижат за своето здравје.
– Сакам да знаеш дека не си сам. Ако одложувате нешто од страв, се надевам дека ќе ве инспирирам да ги слушате вашите лекари и да се грижите за себе. Постојат тегови кои никој од нас не може да ги подигне сам. Но, заедно можеме да подигнеме се, можеме да го подигнеме светот – заклучи Шварценегер.
