Австрија го објави своето вето за влезот на Бугарија и Романија во Шенген
Австрискиот министер за внатрешни работи Герхард Карнер најави дека на состанокот на Советот на ЕУ за правда и внатрешни работи во Брисел ќе гласа против влезот на Бугарија и Романија во Шенген зоната.Европските министри треба да одлучат и за приемот на Хрватска во Шенген, за кој треба да се гласа доколку не дојде до изненадувања, како што пренесува Франс прес.
Советот на ЕУ за правда и внатрешни работи денеска во Брисел треба да гласа за две одлуки за влез во Шенген, при што првата одлука се однесува на Бугарија и Романија, а втората за Хрватска. Одлуките мора да се носат едногласно.
