Мал авион ја промашил пистата при слетување на аеродром во Тексас, а потоа се лизнал и удрил во автомобил кој минувал на блискиот пат.
Видеото од несреќата го снимил минувачот Џек Шнајдер, а на него се гледа како авионот поминува низ ограда за време на итно слетување.
„Го видов авионот како брзо се спушта и знаев дека нема да има време да застане“, изјави Шнајдер за локалната телевизија WFAA-TV во саботата.
„Очигледно беше дека оди пребрзо. Од гумите излегуваше чад!“
Возачот на автомобилот со полесни повреди е пренесен во болница, додека двете лица во авионот не се повредени, јавува Би-би-си.
